У рамках Форуму ВБЎ запрашаем на анлайн-сустрэчу з Давідам Стулікам, спецыяльным пасланнікам па пытаннях Усходняга партнёрства ў Міністэрстве замежных справаў Чэхіі.

Тэма размовы: "Геапалітыка Цэнтральнаеўрапейскага рэгіёну і еўрапейская інтэграцыя Ўкраіны"

Абапіраючыся на свой 30-гадовы досвед працы ва Усходняй Еўропе, а таксама 12-гадовы досвед дыпламатычнай службы ЕС (EEAS), Давід Стулік падзеліцца сваім унікальным поглядам на бягучыя геапалітычныя падзеі і выклікі ў Цэнтральнай і Ўсходняй Еўропе.

Пра што будзе размова:

• Як бягучая палітычная сітуацыя ўплывае на краіны рэгіёну і іх замежную палітыку? Ці Чэхія па-ранейшаму мае аднолькавыя стратэгічныя інтарэсы, што і іншыя краіны Вышаградскай групы?
• Еўрапейская інтэграцыя Украіны: Якія крокі робяцца нават цяпер, падчас вайны, для ўмацавання сувязяў Украіны з Еўрапейскім саюзам? Наколькі рэальна далучэннне Ўкраіны да ЕС у агляднай перспектыве?
• Ці Ўсходняе партнёрства актуальнае? Якія яго вынікі і выклікі ў бліжэйшы час?

• Дата: 19 верасня
• Час: 18:00 (CET)
• Мова сустрэчы - беларуская і ўкраінская.

Не забудзьцеся зарэгістравацца!  https://volny-uni.eu/anlain-sustrecha-z-davidam-stulikam

Не прамініце магчымасць задаць пытанні і абмеркаваць актуальныя тэмы з дасведчаным дыпламатам і экспертам!