Дзейнасць скіравана на фармаванне кваліфікаваных кадраў для будучай дэмакратычнай беларускай дзяржавы, якое абапіраецца на патэнцыял універсітэтаў Польшчы, Эстоніі і другіх краінаў ЕС з улікам досведу рэформаў у краінах Цэнтральнай Еўропы і з выкарыстаннем сучасных тэхналогіяў навучання

2015

Паўстае ідэя Вольнага Беларускага Ўніверсітэта (Free Belarus University, Wolny Uniwersytet Białoruski, ВБЎ/VBŬ) з ініцыятывы 59 вядомых беларускіх навукоўцаў, дзеячоў культуры і мастацтва, журналістаў, палітыкаў і грамадскіх дзеячоў, сярод якіх

• Святлана Алексіевіч, пісьменніца, Лаўрэат Нобелеўскай прэміі па літаратуры,
• Анджаліка Борыс, Cтаршыня Саюза палякаў Беларусі, палітвязень,
• Алесь Бяляцкі, кіраўнік Правабарончага цэнтра ‘Вясна’, Лаурэат Нобелеўскай прэміі міру, палітвязень,
• Станіслаў Шушкевіч, першы кіраўнік незалежнай Беларусі, член-карэспандэнт Акадэміі Навук Беларусі, прафесар
  і іншыя

На падрыхтоўчым этапе ВБЎ быў падтрыманы Еўрапейскім фондам падтрымкі дэмакратыі, Фондам Конрада Адэнаўэра, Міністэрствам замежных справаў Вялікабрытаніі, Польска-Амерыканскім фондам свабоды, Фондам Лідэры пераменаў, Міністэрствам замежных справаў Эстоніі, Дэлегацыяй Еўрапарламенту па справах Беларусі, Камітэтам па культуры і адукацыі Еўрапейскага парламенту.

2017

У Варшаве афіцыйна зарэгістравана Фундацыя «Вольны Беларускі Ўніверсітэт», якая выконвае ролю аператара адаптаваных для Беларусі праграм, ствараемых і рэалізуемых разам з заходнімі партнёрскімі ўніверсітэтамі. Распачынаецца падрыхтоўчая дзейнасць па стварэнню ВБЎ, якая была падтрымана Дэлегацыяй Еўрапарламенту па справах Беларусі, Камітэтам па культуры і адукацыі Еўрапейскага парламенту, Еўрапейскім фондам падтрымкі дэмакратыі, Фондам Конрада Адэнаўэра, Міністэрствам замежных справаў Вялікабрытаніі, Міністэрствам замежных справаў Эстоніі Польска-Амерыканскім фондам свабоды, Фондам Лідэры пераменаў.

2021

Пры падтрымцы Праграмы ‘Польская дапамога’ і Міністэрства Адукацыі і Навукі Польшчы падрыхтаваны і праведзены першыя анлайн курсы ВБЎ – ‘Global Mini MBA’ сумесна з Польска-Амерыканскім Цэнтрам Мэнэджмента Лодзінскага ўніверсітэта і ‘Рэгіянальнае самакіраванне’ ў партнёрстве з Цэнтрам усходнееўрапейскіх даследванняў Варшаўскага універсітэта.

2022

Цяпер ВБЎ – гэта больш за 50 выкладчыкаў у 7 краінах, 17 экспертаў і каля 200 студэнтаў і выпускнікоў.

• На працягу года распрацавана 5 новых анлайн курсаў, рэалізавана 9 сінхронных і асінхронных курсаў, з якіх 5 пілотных.
• Запушчана інклюзыўная, транспамежная адукацыйная платформа LMS Moodle.
• Арганізавана чацвёртае з 2017 года сацыялагічнае маркетынгавае даследванне патрэбаў паслядыпломнага еўрапейскага анлайн навучання ў Беларусі.