Місія

Абапіраючыся на еўрапейскі досвед і з дапамогай лічбавых адукацыйных тэхналогій ('EdTech'), даем беларусам па ўсім свеце магчымасць назапасіць сучасныя веды і развіць перадавыя прафесійныя кампетэнцыі для ўдзелу ў будучым рэфармаванні беларускага грамадства.

Uni image

Каштоўнасці

Ствараем прастору для сучаснай незалежнай адукацыі беларусаў, заснаваную на каштоўнасцях чалавечай годнасці, свабоды, дэмакратыі, правоў чалавека і нацыянальнага адраджэння Беларусі.

Дзейнасць

Прадстаўляем магчымасць бясплатнай паслядыпломнай еўрапейскай адукацыі па спецыяльнасцях, неабходных для эканамічнай, сацыяльнай і грамадскай трансфармацыі краіны для беларускіх абітурыентаў, якія маюць вышэйшую адукацыю першай, або другой ступеняў.
Рыхтуем кадры для кіравання дэмакратычнай беларускай дзяржавай на аснове патэнцыялу заходніх універсітэтаў з улікам досведу рэформаў краінаў – новых сябраў ЕС.
Ствараем трансгранічную інклюзіўную платформу анлайн навучання, якая мае быць месцам кааперацыі і інтэграцыі сістэмных і несістэмных пастаўшчыкоў інавацыйных курсаў, а ў перспектыве стане асновай стварэння сучаснага беларускага лічбавага універсітэта.
Прадастаўляем магчымасць рэпрэсаваным выкладчыкам з Беларусі захавацца ў прафесіі і працягнуць акадэмічную кар’еру ў межах аксэлерацыных анлайн праграм па педагагічнаму дызайну.

Студэнты

Беларусы, якія прагнуць набыць сучасныя кампетэнцыі і веды пра грамадства, эканоміку і дзяржаву праз прызму еўрапейскага досведу і беларускіх выклікаў.

Выкладчыкі

Прафесары і выкладчыкі партнёрскіх еўрапейскіх і амерыканскіх універсітэтаў, а таксама беларускія выкладчыкі, пазбаўленыя магчымасці выкладаць у Беларусі.

Сертыфікаты і дыпломы

Выпускнікі праграмаў атрымліваюць сертыфікаты і дыпломы партнёрскіх універсітэтаў і адукацыйных інстытуцый, з якімі ВБЎ заключае дамовы аб навучанні студэнтаў.

Мовы выкладання

Асноўная мова – беларуская, асобныя курсы могуць выкладацца на польскай, англійскай, французскай ці рускай мовах.

Пытанні і адказы

Выпускнікі нашых праграмаў могуць падаваць заяўкі на чарговыя курсы ад ВБЎ?

Можна падаваць заяўкі на неабмежаваную колькасць курсаў. Паспяховыя выпуснікі ВБЎ маюць перавагу пры рэкрутацыі на чарговыя курсы.
Ці можна ананімна браць удзел у занятках?

Падчас заняткаў дазволена не пісаць сваё сапраўднае імя, але для больш зручнай камунікацыі пажадана ўключэнне камеры. Пры выразнай просьбе пра ананімнасць студэнта будуць зроблены неабходныя захады, для яе захавання.
Які фармат навучання?

Заняткі адбываюцца анлайн на платформе LMS Moodle ВБЎ або на платформах партнёрскіх універсітэтаў. З часам будзе выкарыстоўвацца і змешаны фармат навучання (“blended learning”) – сучаснае дыстанцыйнае выкладанне плюс сесііі і стажыроўкі ў ЕС.
Ці магчыма прайсці ў ВБЎ перападрыхтоўку былым выкладчыкам беларускіх ВНУ, якія згубілі працу ў краіне ў выніку рэпрэсій?

ВБУ прадастаўляе магчымасць беларускім рэпрэсаваным выкладчыкам захавацца ў прафесіі і працягнуць акадэмічную кар’еру з дапамогай аксэлерацыных праграм педагагічнага дызайну.

Партнёры Вольнага Беларускага Ўніверсітэта

Ministerstwo Nauki i Szkolnictwa Wyższego

Вольны Беларускі Ўніверсітэт фінансуецца Міністэрствам адукацыі і навукі Польшчы. Uniwersytet Wrocławski з'яўляецца вядучым партнёрам праекта "Wolny Uniwersytet Białoruski".
Дзеля выканання сваёй місіі і дасягнення сваіх мэтаў ВБЎ супрацоўнічае з польскімі, еўрапейскімі і міжнароднымі партнёрамі, зацікаўленымі ў развіцці вольнай беларускай адукацыі. Падрабязней...