У рамках Форуму ВБЎ запрашаем на размову з Русланам Шошыным, журналістам замежнага аддзелу газеты "Rzeczpospolita" і сталым аўтарам штотыднёвіка "Плюс Мінус".
Руслан Шошын паходзіць з Беларусі. Як стыпендыят праграмы імя К.Каліноўскага скончыў факультэт журналістыкі і паліталогіі Варшаўскага ўніверсітэту. Аспірант Інстытуту спецыялізаваных і міжкультурных камунікацыяў Варшаўскага ўніверсітэту. Аўтар кнігі “Ледакол Святлана Ціханоўская” (2022). Лаўрэат прэміі Мацея Плажыньскага ў катэгорыі “журналіст, які піша матэрыялы пра палякаў за мяжой” 2024 г.
У рамках сустрэчы мы абмяркуем тэму: "Беларусь і беларусы ў польскіх СМІ пасля 2020 года". Падчас сустрэчы Руслан падзеліцца сваім багатым журналісцкім досведам і асабістымі назіраннямі пра тое, як беларуская тэматыка асвятляецца ў польскіх СМІ пасля 2020 года.
Мы абмяркуем:
- Як змянілася ўспрыманне Беларусі ў польскіх СМІ ад моманту масавых пратэстаў 2020 года.
- Як інструменталізацыя мігрантаў на мяжы і саўдзел рэжыму Лукашэнкі ў расійскай агрэсіі супраць Украіны адбіліся на стаўленні да беларусаў у Польшчы
- Як успрымаецца масавая міграцыя беларусаў на захад за Бугам?
- Далейшыя варыянты развіцця падзеяў у Беларусі і беларуска-польскіх узаемадачыненняў
Дата: 25 верасня 2024
Час: 18:00 (CET)
Фармат сустрэчы: анлайн
Неабходна папярэдняя рэгістрацыя. Спасылка: https://volny-uni.eu/anlain-sustrecha-z-ruslanam-shoshynym
Далучайцеся! Вас чакае пазнавальная і цікавая размова.
*Форум праводзіцца ў партнёрстве з Уроцлаўскім Універсітэтам (праект Міністэрства навукі і вышэйшай адукацыі Польшчы), Фондам Міжнароднай Салідарнасці (праект, фінансаваны Еўрапейскім саюзам), а таксама праграмы «Падтрымка дэмакратыі 2024» Міністэрства замежных справаў Польшчы.
