У рамках Форуму ВБЎ запрашаем вас на анлайн-сустрэчу з Уладзімірам Лобачам — вядомым беларускім гісторыкам, этнолагам і паэтам.
Прафесар Полацкага ўніверсітэт, звольнены ў 2021 годзе за сваю грамадзянскую пазіцыю, Уладзімір Лобач прысвяціў сваю навуковую кар'еру даследаванню культурных і этнаграфічных традыцыяў. Яго працы праліваюць святло на шматвяковыя звычаі, рытуалы і светапогляд беларусаў, дапамагаючы лепей зразумець нашу культурную ідэнтычнасць.
Тэма сустрэчы: «Антрапалогія акупацыі: Другая сусветная вайна вачыма беларускіх вяскоўцаў»
Гэта тэма, над якой Уладзімір Лобач працуе для сваёй кнігі, адкрывае новую старонку ў вывучэнні гісторыі, дазваляючы зірнуць на падзеі вайны вачыма звычайных людзей.
Падчас размовы мы абмяркуем:
- Як простыя жыхары Беларусі перажывалі і ўспрымалі падзеі Другой сусветнай вайны,
- Уплыў вайны на паўсядзённае жыццё, культурныя традыцыі і светапогляд сельскіх жыхароў,
- Значэнне антрапалагічнага погляду на гістарычныя падзеі для захавання нацыянальнай памяці.
Гэтая сустрэча – унікальная магчымасць пачуць пра вайну з другога, менш вядомага боку – вачыма тых, хто жыў у беларускіх вёсках і чыя памяць захоўвае сапраўдныя гісторыі той эпохі.
- Дата: 8 лістапада 2024
- Час: 18:00 (CET)
- Фармат сустрэчы: анлайн
Для ўдзелу ў сустрэчы трэба зарэгістравацца.
Спасылка: https://volny-uni.eu/sustrecha-z-uladzimiram-lobacham
*Форум праводзіцца ў партнёрстве з Уроцлаўскім Універсітэтам (праект Міністэрства навукі і вышэйшай адукацыі Польшчы), Фондам Міжнароднай Салідарнасці (праект, фінансаваны Еўрапейскім саюзам), а таксама праграмы «Падтрымка дэмакратыі 2024» Міністэрства замежных справаў Польшчы.
