Запрашаем на чарговую анлайн-сустрэчу ў рамках Форуму ВБЎ з Аленай Кудзько, віцэ-старшынёю па палітыцы і праграмаванні аналітычнага цэнтру GLOBSEC (Славакія).
Выпускніца ФМА БДУ, якая бліскуча абараніла магістарскую дысертацыю ў Цэнтральнаеўрапейскім універсітэце, Алена Кудзько адказная за распрацоўку палітыкі, даследаванняў і праграм у сферы абароны і бяспекі, будучыні Еўропы, глабальнага парадку, тэхналогіяў і грамадства, а таксама стратэгічнага камунікавання. Яе даследаванні сканцэнтраваныя на еўрапейскіх і трансатлантычных дачыненнях і бяспецы, у тым ліку рэформу інстытутаў бяспекі і ЕС, а таксама пытанні міграцыі. У рамках каманды GLOBSEC Алена ўдзельнічае ў фарміраванні бачання, распрацоўцы парадку дня, правядзенні даследаванняў і арганізацыі штогадовых форумаў GLOBSEC Bratislava Forum, GLOBSEC Tatra Summit і GLOBSEC Chateau Bela Conference.
Тэмы сустрэчы:
- Што будзе пасля выбараў у ЗША?
- Меркаванні грамадзянскай супольнасці ў краінах Цэнтральнай Еўропы (Венгрыя, Славакія, Чэхія). Чаму некаторыя людзі не ўспрымаюць Расію негатыўна? Чаму падтрымка Ўкраіны і Беларусі не заўсёды з'яўляецца простым рашэннем? Якія пытанні выклікаюць палярызацыю ў грамадстве?
- Праца ў навукова-даследчых арганізацыях: тэмы даследаванняў, фінансаванне, актуальнасць, абмежаванні і магчымасці.
- Дата: 20 лістапада 2024
- Час: 18:00 (CET)
- Фармат сустрэчы: анлайн
Для ўдзелу ў сустрэчы трэба зарэгістравацца. Спасылка: https://volny-uni.eu/sustrecha-z-alenai-kudzko
*Форум праводзіцца ў партнёрстве з Уроцлаўскім Універсітэтам (праект Міністэрства навукі і вышэйшай адукацыі Польшчы), Фондам Міжнароднай Салідарнасці (праект, фінансаваны Еўрапейскім саюзам), а таксама праграмы «Падтрымка дэмакратыі 2024» Міністэрства замежных справаў Польшчы.
