Вольны Беларускі Ўніверсітэт працягвае рыхтаваць спецыялістаў для дэмакратычнай Беларусі. Абапіраючыся на еўрапейскі досвед, мы даем беларусам па ўсім свеце магчымасць назапасіць сучасныя веды і кампетэнцыі для ўдзелу ў будучым рэфармаванні беларускага грамадства.
Разам мы ствараем супольнасць, якая гатова да выклікаў часу і трансфармацыі нашай краіны. У курсах і адукацыйных праграмах ВБЎ прынялі ўдзел каля 1000 студэнтаў , 60 выкладчыкаў з 7 краін і 17 экспертаў.
У 2024 годзе мы правялі 22 адукацыйныя курсы, якія ахопліваюць ключавыя напрамкі:
- Эканамічная, сацыяльная і палітычная трансфармацыя Беларусі
- Паглыбленне нацыянальнай ідэнтычнасці і гістарычнай памяці
- Інтэграцыя з ЕС і прымяненне еўрапейскіх стандартаў
- Новыя тэхналогіі і сучасныя трэнды
У рамках Форуму ВБЎ была праведзена 21 анлайн-сустрэча з выбітнымі экспертамі, палітыкамі, грамадскімі дзеячамі, сярод якіх Лешэк Бальцэровіч, Аляксандр Квасьнеўскі, Лявон Вольскі, Марыюш Мацкевіч. У сустрэчах прынялі ўдзел 728 чалавек - студэнтаў, выпускнікоў і сябраў ВБЎ. Гэтыя дыскусіі сталі месцам абмену досведам і ведамі, а лепшыя моманты можна ўбачыць у 6 натхняльных відэароліках, якія мы апублікавалі на нашым YouTube канале
Мы ганарымся запускам нашага навуковага часопіса Free Belarus Journal — платформы для публікацый і даследаванняў пра будучыню і трансфармацыю Беларусі.
Падзеі, якія застануцца ў памяці
Прэмія імя Васіля Быкава "За свабоду думкі" сабрала больш за 70 удзельнікаў. У гэтым годзе ўзнагароду атрымалі цудоўныя NaviBand, якія сталі сімвалам творчай свабоды.
На XIX Польска-Беларускім навукова-практычным круглым стале мы дзяліліся досведам і казалі аб ролі адукацыі ў дэмакратычных пераўтварэннях.
2024 год стаў годам адкрыццяў, росту і натхнення. Вольны Беларускі Ўніверсітэт працягвае аб'ядноўваць людзей дзеля свабоднай будучыні Беларусі.
Далучайцеся да нас і будзьце часткай гэтых перамен!