Тры сцэнары для Беларусі: Арцём Шрайбман — у першым выпуску новага праекта ВБЎ, NEXTA і Free Belarus Journal
Вольны Беларускі Ўніверсітэт разам з NEXTA і Free Belarus Journal запускае серыю экспертных размоў пра Беларусь — яе сучасны стан, магчымыя сцэнары развіцця і будучыню краіны.
Госць першага выпуску — Арцём Шрайбман, палітычны аналітык і заснавальнік Sense Analytics. Яго даследчыя інтарэсы ўключаюць унутраную палітыку Беларусі, беларуска-расійскія і беларуска-еўрапейскія адносіны.
Першы выпуск прысвечаны магчымым сцэнарам развіцця Беларусі і пытанню, наколькі будучыня краіны залежыць ад змены асобных палітычных лідараў.
У размове абмяркоўваюцца:
-
якія сцэнары могуць чакаць Беларусь у будучыні;
-
ці азначае змена кіраўніцтва аўтаматычную змену палітычнай сістэмы;
-
якую ролю ў беларускім кантэксце адыгрываюць Расія і Еўропа;
-
ад якіх унутраных і знешніх фактараў могуць залежаць будучыя змены.
Назва першага выпуску — «Смерць Лукашэнкі і Пуціна нічога не зменіць? / Тры сцэнары для Беларусі».
Гэта першая з 18 экспертных размоў у межах супольнага праекта. Яго задача — стварыць прастору для змястоўнай дыскусіі пра Беларусь і сабраць розныя экспертныя погляды на ключавыя выклікі для краіны.
Глядзець поўную размову:
YouTube — «Смерць Лукашэнкі і Пуціна нічога не зменіць? / Тры сцэнары для Беларусі»
Чытайце таксама ў Free Belarus Journal
Відэасерыя звязаная з экспертным і даследчым кірункам Free Belarus Journal — выдання Вольнага Беларускага Ўніверсітэта, створанага як пляцоўка для развіцця беларусазнаўчых даследаванняў, міжнароднай акадэмічнай супрацы і дыскусіі пра Беларусь. Сярод яго тэм — еўрапейская перспектыва Беларусі, дзяржаўнае кіраванне, палітыка, права, сацыялогія, культура і іншыя кірункі.
У наступным нумары будуць таксама прадстаўлены матэрыялы, звязаныя з тэмамі гэтай серыі.
Сачыце за наступнымі выпускамі супольнага праекта NEXTA × ВБЎ × Free Belarus Journal.