Школа грамадскіх лідараў - новы набор

Школа грамадскіх лідараў - новы набор

19.04.2024 - 16.06.2024

Прыём заявак да 09.04.2024

Фонд "Школа Лідараў" імя Збігнева Пелчыньскага, Фонд “Вольны Беларускі Ўніверсітэт” і Фонд Міжнароднай Салідарнасці запрашаюць падаваць заяўкі на ўдзел у курсе "Школа грамадскіх лідараў"

Курс адрасаваны беларускім лідарам - няўрадавых арганізацыяў, грамадскіх, акадэмічных, медыйных, культурніцкіх ініцыятываў - людзям, якія актыўна дзейнічаюць як унутры Беларусі, так і па-за яе межамі якія займаюць актыўную грамадскую пазіцыю ды падзяляюць дэмакратычныя каштоўнасці.

Праект фінансуецца Еўрапейскай камісіяй.

Увага: Прыём заявак працягнуты да 9.04.2024

Навучанне па-беларуску.

Cпасылка на форму заяўкі: Анкета-заяўка на ўдзел у праекце "Школа грамадскіх лідараў"


Падчас навучання мы будзем разглядаць лідарства і яго розныя формы. Мы будзем слухаць і абмяркоўваць грамадзянскую супольнасць. Мы будзем размаўляць пра спосабы ўмацавання супольнасці і пра мадэлі грамадскага дзеяння. Мы пастараемся разам падумаць пра тое, як будаваць давер і сетку супрацоўніцтва. Мы будзем задаваць важныя пытанні і шукаць адказы на іх разам.  Падчас праграмы ўдзельнікі і ўдзельнікі будуць мець магчымасць развіваць свае кампетэнцыі і атрымліваць інструменты, якія дапамагаюць ім выконваць ролю лідараў у сваіх асяродках.  

Што атрымае ўдзельнік Школы грамадскіх лідараў?

  • Сустрэчы з беларускімі і польскімі экспертамі па пытаннях дзейнасці грамадзянскай супольнасці з магчымасцю абмеркаванняў з імі;
  • Удзел у дыскусіях з грамадскімі дзеячамі з Польшчы і Беларусі, якія дамагаюцца істотных грамадскіх зменаў;
  • Знаёмства з мадэллю лідарства, што выкарыстоўваецца ў Фондзе “Школа Лідараў”, магчымасць раскрыць і ўмацаваць свой лідарскі патэнцыял, а таксама праявіць сябе ў лідарскіх ролях;
  • Вывучэнне метадаў пабудовы, кіравання і развіцця каманды;
  • Вывучэнне тэорыі і практыкі ажыццяўлення зменаў;
  • Знаёмства з іншымі лідарамі, якія дзейнічаюць аналагічна або зусім па-іншаму, магчымасць абменьвацца досведам і быць часткай сеткі ўзаемападтрымкі, створанай выпускнікамі нашых праграмаў.

Арганізацыя "Школы Грамадскіх Лідараў"

Праект складаецца з 4 сесіяў у анлайн-фармаце на выходных. Па пятніцах удзельнікі праслухаюць лекцыі і прымуць удзел у дыскусіях з экспертамі і гасцямі. Майстар-класы па навыках лідарства будуць праходзіць па суботах. Падчас кожнай сесііадбудуцца сустрэчы ў невялікіх групах, на якіх удзельнікі будуць мець час для абмеркавання свайго досведу і развіцця лідарства.

 

Даты сесіяў:   

Уводная сустрэча: 19 красавіка 17:00-20:00 паводле цэнтральнаеўрапейскага 

Першая сесія: 26-27 красавіка 2027 красавіка 2024 г.

Другая сесія: 10-11 траўня 2024 г.

Трэцяя сесія: 24-25 траўня 2024 г.

чацвёрты семінар: 14 чэрвеня 2024 г 

часузаканчэнне курсу: 22 чэрвеня 2024 г

 

Заняткі падчас сустрэч будуць праходзіць па пятніцах з 16.00 да 19.00 паводле польскага часу і з 10.00 да 16.00 па суботах.

Каго запрашаем узяць удзел у праекце? 

Да ўдзелу ў Школе грамадскіх лідараў запрашаюцца лідары беларускіх ініцыятываў з Беларусі ці з-за яе межаў, якія маюць досвед грамадскай дзейнасці. Праграма прызначана для людзей, каму 17 сакавіка2024 года споўніцца 18 гадоў.

Адабраных кандыдатаў для ўдзелу ў Школе мы запросім на анлайн-сумоўі. Набор на курс - 30 удзельнікаў.

 

Графік набору ў Школу Грамадскіх Лідараў

Этап 1 (01.03-17.03) 

Запоўніць форму анлайн-заяўкі

+ падаць кантакт асобы, з якой вы ўзаемадзейнічаеце або ўзаемадзейнічалі і якая магла б Вас парэкамендаваць (імя, прозвішча, арганізацыя, кантакт)

Этап 2 (22.03-28.03)

Анлайн-сумоўі з кандыдатамі.

Вынікі набору будуць абвешчаныя 12 красавіка 2024 года.

 

Матэрыялы для азнаямлення

 

Спасылка на форму заяўкі

У выпадку пытанняў просьба пісаць на адрас электроннай пошты:Гэты адрас электроннай пошты абаронены ад спам-ботаў. Для яго прагляду ў вас павінен быць уключаны JavaScript у браўзэры.

Праект рэалізуецца Фондам "Школа Лідараў" (ФШЛ), Вольным Беларускім Універсітэтам (ВБЎ) і Фондам Міжнароднай Салідарнасці (ФМС). Ён фінансуецца Еўрапейскай камісіяй.

 

 Фонд "Школа лідараў" імя Збігнева Пелчыньскага:

Фонд "Школа лідараў" - гэта арганізацыя, якая больш за 29 гадоў дбае пра якасць грамадскага жыцця ў Польшчы і дзейнічае на карысць свядомага, заснаванага на каштоўнасцях лідарства.

Місія ФШЛ - гэта развіццё грамадзянскай супольнасці шляхам навучання і падтрымкі лідараў, якія дзейнічаюць у публічнай сферы ў няўрадавых арганізацыях, органах мясцовага самакіравання і палітычных партыях. Базавыя каштоўнасці ФШЛ - гэта павага да дэмакратычных каштоўнасцяў, плюралізм і павага разнастайнасці.

"Школа лідараў" дзейнічае з 1994 года, і досвед, назапашаны за гэты час, паказвае, што варта інвеставаць у людзей з вялікім лідарскім патэнцыялам, дапамагаючы ім ствараць у сваім асяроддзі новыя мадэлі і нормы – камунікавання, паводзінаў і дзейнасці. Школа праводзіць адукацыйныя праграмы па кіраванні зменамі, лідарстве, камунікаванні і заангажаванні іншых. У дасягненні сваіх мэтаў яна абапіраецца на дапамогу партнёраў з няўрадавага, дзяржаўнага і бізнес- сектараў. Школа падтрымлівае лідараў, каб яны эфектыўна дзейнічалі на карысць зменаў і ўплывалі на рэчаіснасць, што іх атачае. Больш падрабязна пра ФШЛ: https://www.szkola-liderow.pl/

 

Фонд “Вольны Беларускі Ўніверсітэт”:

Фонд “Вольны Беларускі Ўніверсітэт” (ВБЎ) паўстаў з ініцыятывы 59 вядомых асобаў дэмакратычнай Беларусі, сярод якіх нобелеўскія лаўрэаты Святлана Алексіевіч і Алесь Бяляцкі, Станіслаў Шушкевіч, Анджаліка Борыс і Аляксандр Мілінкевіч.

Праект скіраваны на падрыхтоўку будучых менеджарскіх кадраў для дэмакратычнай беларускай дзяржавы з апорай на патэнцыял польскіх ВНУ і з улікам лепшага досведу рэформаў у Польшчы і Цэнтральнай Еўропе, таксама з выкарыстаннем сучасных тэхналогіяў навучання.

ВБЎ бачыць сваю місію ў тым каб даць імпульс для будаўніцтва анлайн адукацыйнага асяроддзя, якое будзе стымуляваць мадэрнізацыю беларускай вышэйшай адукацыі, з'яўляючыся адкрытым для любых правайдараў, пры ўмове прапановы імі якаснага кантэнту і дыдактыкі.

Больш падрабязна пра ВБЎ:  https://volny-uni.eu/ 

 

Фонд Міжнароднай Салідарнасці:

Фонд міжнароднай салідарнасці (ФМС) ажыццяўляе дзейнасць у сферы супрацоўніцтва на карысць развіцця ў дачыненні да замежных краінаў. ФМС робіць акцэнт на падтрымцы дэмакратычных пераўтварэнняў, развіцці грамадзянскай супольнасці, прынцыпах добрага кіравання, развіцці мясцовай дэмакратыі, перадачы досведу эканамічных і палітычных пераўтварэнняў, свабодных СМІ, праваабарончых арганізацыяў. У выпадку патрэбы Фонд таксама ажыццяўляе гуманітарную дзейнасць. 

Прыярытэтным рэгіёнам дзейнасці Фонду з'яўляюцца краіны Усходняга партнёрства: Беларусь, Украіна, Малдова, Грузія, Арменія і Азербайджан. Ва Украіне, Малдове і Грузіі ФМС працуе праз свае філіялы.  У мэтах рэалізацыі сваіх мэтаў ФМС супрацоўнічае з польскімі і замежнымі органамі дзяржаўнай адміністрацыі, органамі мясцовага самакіравання, няўрадавымі арганізацыямі і школамі.

Больш падрабязна пра Фонд міжнароднай салідарнасці: Фонд міжнароднай салідарнасці (solidarityfund.pl)

 

Мы ў сацыяльных сетках

Выніковая анкета

Выніковая анкета

Апытанне пра дзейнасць ВБЎ

Адказаць на пытанні

Надыходзячыя падзеі

Усе навіны і падзеі

Станіслаў Шушкевіч
1934-2022

Першы кіраўнік незалежнай Беларусі. Сузаснавальнік Беларускага Вольнага Ўніверсітэта.

Падрабязней

Пытанні і адказы

  • Выпускнікі праграм ВБЎ могуць падаваць заяўкі на чарговыя курсы вучэльні?

    Можна падаваць заяўкі на неабмежаваную колькасць курсаў. Паспяховыя выпуснікі ВБЎ маюць перавагу пры рэкрутацыі на чарговыя курсы.

  • Ці можна ананімна браць удзел у занятках?

    Падчас заняткаў дазволена не пісаць сваё сапраўднае імя, але для больш зручнай камунікацыі пажадана ўключэнне камеры. Пры выразнай просьбе пра ананімнасць студэнта будуць зроблены неабходныя захады, для яе захавання.

  • Які фармат навучання?

    Заняткі адбываюцца анлайн на платформе LMS Moodle ВБЎ або на платформах партнёрскіх універсітэтаў. З часам будзе выкарыстоўвацца і змешаны фармат навучання (“blended learning”) – сучаснае дыстанцыйнае выкладанне плюс сесііі і стажыроўкі ў ЕС.

  • Ці магчыма прайсці ў ВБЎ перападрыхтоўку былым выкладчыкам беларускіх вучэльняў, якія згубілі працу ў краіне ў выніку рэпрэсій?

    ВБУ прадастаўляе магчымасць беларускім рэпрэсаваным выкладчыкам захавацца ў прафесіі і працягнуць акадэмічную кар’еру з дапамогай аксэлерацыных праграм педагагічнага дызайну.

We use cookies
Мы выкарыстоўваем файлы cookie на сайце. Некаторыя з іх важныя для працы сайта, а іншыя дапамагаюць нам палепшыць карыстальніцкі досвед. Вы можаце пагадзіцца на іх выкарыстанне альбо адмовіцца.