У сувязі з тым, што рэжым у Беларусі ўзмацніў рэпрэсіі супраць незалежных грамадскіх ініцыятываў і дэмакратычных асобаў, Вольны Беларускі Ўніверсітэт (ВБЎ) лічыць неабходным звярнуцца да вас з важнай інфармацыяй. У першую чаргу гэта датычыцца ўдзельнікаў з Беларусі і тых, хто наведвае Беларусь.
Мы дбаем пра бяспеку і імкнёмся зрабіць усё магчымае, каб абараніць вас ад магчымых пераследаў за ўдзел у нашых адукацыйных праграмах.
Просім выконваць наступныя рэкамендацыі для бяспечнага ўдзелу ў курсах:
1. ЗАЎСЁДЫ выкарыстоўвайце надзейныя VPN-сэрвісы: Гэта дапаможа вам схаваць свой сапраўдны IP-адрас і абыйсці магчымыя блакіроўкі доступу да нашых рэсурсаў з Беларусі.
2. Стварайце ананімныя электронныя скрыні: Рэгіструйцеся на курсах з дапамогай e-mail, якія не змяшчаюць вашых асабістых дадзеных. Пазбягайце адкрываць падазроныя лісты або спасылкі ад невядомых адпраўнікаў. Не захоўвайце аўтаматычны ўваход на такую пошту са сваіх прыладаў і выдаляйце cookies і кэш-памяць. Лагавацца ТОЛЬКІ праз опцыю ананімнага наведвання ў браўзеры.
3. Выкарыстоўвайце псеўданімы: Падчас камунікавання ў рамках курсаў і на Форуме карыстайцеся псеўданімамі ці выдуманымі імёнамі, каб захаваць ананімнасць.
4. Па прачытанні выдаляйце атрыманыя ад нас мэйлы з электроннай паштовай скрынкі і кошыку.
5. Абнаўляйце праграмнае забеспячэнне: Своечасова абнаўляйце вашыя прылады і праграмы для забеспячэння максімальнай абароны.
Просім усіх заставацца пільнымі і строга выконваць правілы інфармацыйнай бяспекі. Пра любыя падазроныя выпадкі паведамляйце нашай камандзе.
Разам мы пераадолеем усе складанасці і працягнем нашу працу дзеля будучыні свабоднай і дэмакратычнай Беларусі.
