Ułatwienia dostępu
Przejdź do głównej treści
Навіны
28 wrzesień 2026
Далучайцеся

Масква перамагла: Лукашэнка – прарасейскі?

28 wrzesień 2026

Наколькі Беларусь сёння залежыць ад Расіі і ці магчыма вярнуць краіне сапраўдную самастойнасць? Масква ўзмацняе ўплыў на беларускую эканоміку, армію і інфармацыйную прастору. Але ці азначае гэта, што будучыня Беларусі ўжо вырашаная?

У новым выпуску серыі інтэрв'ю «Вольнага беларускага журнала» пра гэта разважае Андрэй Казакевіч — доктар палітычных навук, дырэктар Інстытута «Палітычная сфера».

Беларусь апынулася ў сітуацыі глыбокай залежнасці ад Расіі, якая ахоплівае адразу некалькі ключавых сфер — ад эканомікі і бяспекі да інфармацыйнай палітыкі. У размове эксперт аналізуе, як Масква паступова ўзмацняла свае пазіцыі, чаму Лукашэнка страчваў прастору для самастойных рашэнняў і ці можа змена ўлады ў Беларусі сама па сабе змяніць адносіны з Расіяй.

Асобная ўвага — досведу іншых постсавецкіх краін. Як Арменія і Малдова спрабуюць дыстанцыявацца ад Масквы? Якія магчымасці і рызыкі ўзнікаюць на гэтым шляху? І ці можа Беларусь скарыстацца іх досведам, улічваючы ўласныя палітычныя, эканамічныя і бяспековыя абставіны?

Абмяркоўваем таксама будучыню Саюзнай дзяржавы, магчымасць выхаду Беларусі з АДКБ і перспектывы еўрапейскай інтэграцыі. Ці здольная Беларусь пераарыентаваць сваю знешнюю палітыку, захаваць бяспеку і паменшыць залежнасць ад расійскіх рэсурсаў? Якую ролю ў гэтым можа адыграць інфармацыйная прастора і ці патрэбныя абмежаванні расійскага кантэнту?

У завяршэнне размовы — пра Беларусь будучыні: сяброўства ў Еўрасаюзе і НАТА, новую Канстытуцыю, парламенцкую рэспубліку і статус беларускай мовы. Якія змены патрэбныя, каб краіна магла самастойна вызначаць свой палітычны курс?

Ці сапраўды Масква ўжо перайграла Лукашэнку — і што можа змяніць гэтую сітуацыю?

Глядзіце поўнае інтэрв'ю з Андрэем Казакевічам на YouTube

Інтэрв'ю падрыхтавана ў рамках сумеснага праекта Вольнага Беларускага Універсітэта, NEXTA і Free Belarus Journal.

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.