Ułatwienia dostępu
Przejdź do głównej treści
Навіны
26 październik 2026
Далучайцеся

Беларусь пасля Лукашэнкі: «урады-смертнікі», рэванш і недавер

26 październik 2026

Што чакае Беларусь пасля Лукашэнкі? Ці захаваўся ў грамадстве запыт на перамены і чаму першыя дэмакратычныя ўрады могуць хутка страціць уладу?

У новым выпуску серыі інтэрв’ю «Вольнага беларускага журнала» пра гэта разважае Генадзь Коршунаў — кандыдат сацыялагічных навук, былы дырэктар Інстытута сацыялогіі НАН Беларусі, заснавальнік Беларускай сацыялагічнай групы.

Паводле сацыёлага, пасля пратэстаў 2020 года і пачатку поўнамаштабнай вайны ва Украіне беларускае грамадства апынулася ў стане «напаўзамарожанасці». Людзі прыстасаваліся да нявызначанасці, знізілі свае чаканні і засяродзіліся на выжыванні. Аднак запыт на перамены нікуды не знік — ён фарміраваўся дзесяцігоддзямі пад уплывам урбанізацыі, росту адукацыі, развіцця бізнесу і самаарганізацыі грамадства.

Асобная тэма размовы — першыя ўрады пасля Лукашэнкі, якія Коршунаў называе «ўрадамі-смертнікамі». Ім давядзецца праводзіць складаныя і непапулярныя рэформы, адначасова захоўваючы сацыяльныя гарантыі. Гэта стварае рызыку страты падтрымкі, палітычнага рэваншу і росту папулізму.

Абмяркоўваем таксама магчымасць унутраных канфліктаў, будучыню былых сілавікоў і чыноўнікаў, неабходнасць нацыянальнага дыялогу і пошуку грамадскай згоды. Якім палітыкам беларусы будуць давяраць і чаму моцнае мясцовае самакіраванне можа стаць асновай новай палітычнай сістэмы?

У фінале — бліц пра Беларусь будучыні: сяброўства ў Еўрасаюзе і НАТА, парламенцкую рэспубліку, новую Канстытуцыю і беларускую мову як адзіную дзяржаўную.

Як Беларусі прайсці праз перамены, пазбегнуць рэваншу і пабудаваць устойлівую дэмакратычную сістэму?

Глядзіце інтэрв’ю з Генадзем Коршунавым у сумесным праекце Вольнага Беларускага Ўніверсітэта, NEXTA і Free Belarus Journal.

We use cookies

We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.