Анлайн-сустрэча з Аляксандрам Шлыком
У рамках Форуму ВБЎ запрашаем вас на анлайн-сустрэчу з Аляксандрам Шлыком, спецыяльным дарадцам Святланы Ціханоўскай па выбарах.
Аляксандр Шлык - эксперт у галіне выбараў з больш чым дзесяцігадовым вопытам. На працягу апошніх 10 гадоў ён працаваў у аддзеле па выбарах Бюро па дэмакратычных інстытутах і правах чалавека АБСЕ (БДІПЧ), а з 2016 года ўзначальваў яго. Аляксандр кіраваў назіраннем за ўсімі выбарамі ў рэгіёне АБСЕ і дапамагаў краінам удасканальваць выбарчыя працэсы, каб яны адпавядалі міжнародным стандартам.
Аляксандр таксама мае багаты і адукацыйны досвед. Ён скончыў эканамічны факультэт БДУ, магістратуру па паліталогіі ў Цэнтральна-Еўрапейскім універсітэце (Венгрыя) і магістратуру па міжнародным развіцці і кіраванні ў Лундскім універсітэце (Швецыя).
Падчас сустрэчы Аляксандр падзеліцца сваім досведам і раскажа пра ролю Рады Еўропы ў падтрымцы дэмакратычных зменаў у Беларусі.
- Дата: 13 лістапада 2024
- Час: 18:00 (CET)
- Фармат сустрэчы: анлайн
Для ўдзелу ў сустрэчы трэба зарэгістравацца. Спасылка: https://volny-uni.eu/sustrecha-z-aliaksandram-shlykam
*Форум праводзіцца ў партнёрстве з Уроцлаўскім Універсітэтам (праект Міністэрства навукі і вышэйшай адукацыі Польшчы), Фондам Міжнароднай Салідарнасці (праект, фінансаваны Еўрапейскім саюзам), а таксама праграмы «Падтрымка дэмакратыі 2024» Міністэрства замежных справаў Польшчы.
