Беларусь на апошнім месцы? Чаму Казахстан абышоў Беларусь у рэформе дзяржаўнага кіравання
Працягваем серыю інтэрв’ю «Якой будзе будучая Беларусь? Навукоўцы пра шлях да пераменаў» у межах Free Belarus Journal — навукова-аналітычнага праекта Вольнага Беларускага Ўніверсітэта.
Гэтым разам наша суразмоўца — Паліна Прысмакова, доктарка грамадскіх і адміністрацыйных навук, прафесарка Атлантычнага ўніверсітэта (ЗША), даследчыца дзяржаўнага кіравання.
Чаму Беларусь адстае ў дзяржаўным кіраванні?
За больш чым 30 гадоў кіравання Лукашэнкі ў Беларусі сфарміравалася жорсткая бюракратычная сістэма, у якой ключавыя рашэнні прымаюцца зверху, а дзяржаўныя інстытуты маюць абмежаваную самастойнасць.
У інтэрв’ю Паліна Прысмакова аналізуе, чаму беларуская мадэль кіравання практычна не змяняецца і як гэта ўплывае на эфектыўнасць дзяржаўных органаў.
Асобная тэма размовы — параўнанне Беларусі з іншымі постсавецкімі краінамі, у прыватнасці Казахстанам. Чаму нават краіны з падобнай савецкай спадчынай здолелі прасунуцца ў рэфармаванні дзяржаўнага апарату, а Беларусь працягвае абапірацца на старую мадэль?
Якім павінна быць дзяржаўнае кіраванне ў будучай Беларусі?
Размова закранае важнае пытанне: як перайсці ад сістэмы, заснаванай на бюракратычным кантролі, да дзяржаўнага кіравання, у якім ёсць адказнасць, прафесіяналізм і эфектыўныя інстытуты.
Якія змены спатрэбяцца дзяржаўнаму апарату пасля палітычнай трансфармацыі? Ці дастаткова будзе змяніць кіраўніцтва, каб сістэма пачала працаваць інакш? І які досвед іншых краін можа быць карысным для Беларусі?
Гэтыя пытанні становяцца адпраўным пунктам для размовы пра магчымыя рэформы і будучыню беларускай дзяржавы.
Пра праект Free Belarus Journal
Інтэрв’ю з Палінай Прысмаковай — частка серыі з 18 спецыяльных размоў з беларускімі навукоўцамі, даследчыкамі і экспертамі, якую Вольны Беларускі Ўніверсітэт рыхтуе разам з рэдакцыяй NEXTA.
У цэнтры праекта — незалежнасць Беларусі, дэмакратычныя перамены, дзяржаўнае кіраванне, эканоміка, грамадства і нацыянальная ідэнтычнасць.
Глядзіце поўнае інтэрв’ю з Палінай Прысмаковай на YouTube-каналах NEXTA Plus і Вольнага Беларускага Ўніверсітэта.
YouTube Вольнага Беларускага Ўніверсітэта