Урачыстае ўручэнне дыпломаў Цэнтру ўсходнееўрапейскіх даследаванняў

У пятніцу 16 снежня ў Калоннай залі Варшаўскага ўніверсітэту адбылося ўрачыстае ўручэнне дыпломаў Цэнтру ўсходнееўрапейскіх даследаванняў Studium Europy Wschodniej UW і ВБЎ беларусам, якія паспяхова скончылі курсы, выкладаныя ў рамках супольнага праекту ВБЎ і SEW, падтрыманага міністэрствам адукацыі і навукі Польшчы.

Да прысутных звярнуліся Канцлер ВБЎ Аляксандр Мілінкевіч, Дырэктар SEW Ян Маліцкі, Старшыня Фонду міжнароднай салідарнасці Рафал Дзенцялоўскі і Амбасадар Польшчы ў Беларусі Артур Міхальскі.


Выступоўцы павіталі выпуснікоў курсаў, якія змаглі асабіста далучыцца да вечарыны. У гэтым семестры праграму “Самакіраванне” праф. Паўла Свяневіча паспяхова прайшлі 14 беларусаў, курс “Беларуская нацыянальная ідэнтычнасць у ХІХ і ХХ стст.” праф. Сяргея Токця – 20, курс “Гісторыя Беларусі ў еўрапейскім кантэксце” праф. Алесья Краўцэвіча – 34, курс “Mini MPA — Уводзіны ў менеджмент дзяржаўных установаў“ праф. Паліны Прысмаковай цалкам прашлі 21 асоба, плюс 4 слухачы.

Аляксандр Мілінкевіч шчыра падзякваў польскім партнёрам за няспынную падтрымку адукацыйных ініцыятываў для беларусаў і адзначыў прыярытэты далей працы па падрыхтоўцы кваліфікаваных кадраў для дэмакратычнай Беларусі. У выступах была падкрэсленай важнасць пашырэння ведаў пра трансфармацыю ў краінах Цэнтральнай Еўропы і ўзмацненне беларускай еўрапейскай саматоеснасці. Польшча гатовая дзяліцца сваім лепшым досведам і шчыра зычыць не паўтараць яе памылак, а вучыцца на іх, падкрэсліў на заключэнне Амбасадар Міхальскі.

Мы ў сацыяльных сетках

Выніковая анкета

Выніковая анкета

Апытанне пра дзейнасць ВБЎ

Адказаць на пытанні

Каляндар форума

Падзей не знойдзена

Каляндар падзеяў

Усе навіны і падзеі

Пытанні і адказы

  • Выпускнікі праграм ВБЎ могуць падаваць заяўкі на чарговыя курсы вучэльні?

    Можна падаваць заяўкі на неабмежаваную колькасць курсаў. Паспяховыя выпуснікі ВБЎ маюць перавагу пры рэкрутацыі на чарговыя курсы.

  • Ці можна ананімна браць удзел у занятках?

    Падчас заняткаў дазволена не пісаць сваё сапраўднае імя, але для больш зручнай камунікацыі пажадана ўключэнне камеры. Пры выразнай просьбе пра ананімнасць студэнта будуць зроблены неабходныя захады, для яе захавання.

  • Які фармат навучання?

    Заняткі адбываюцца анлайн на платформе LMS Moodle ВБЎ або на платформах партнёрскіх універсітэтаў. З часам будзе выкарыстоўвацца і змешаны фармат навучання (“blended learning”) – сучаснае дыстанцыйнае выкладанне плюс сесііі і стажыроўкі ў ЕС.

  • Ці магчыма прайсці ў ВБЎ перападрыхтоўку былым выкладчыкам беларускіх вучэльняў, якія згубілі працу ў краіне ў выніку рэпрэсій?

    ВБУ прадастаўляе магчымасць беларускім рэпрэсаваным выкладчыкам захавацца ў прафесіі і працягнуць акадэмічную кар’еру з дапамогай аксэлерацыных праграм педагагічнага дызайну.

We use cookies
Мы выкарыстоўваем файлы cookie на сайце. Некаторыя з іх важныя для працы сайта, а іншыя дапамагаюць нам палепшыць карыстальніцкі досвед. Вы можаце пагадзіцца на іх выкарыстанне альбо адмовіцца.